.زاهرة الياسمين

ملابس ودردشة اجتماعية وكل مايخص السيدات
 
البوابةالرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 الفصل الثالث من ذكراياتى فى الشتاء

اذهب الى الأسفل 
كاتب الموضوعرسالة
فاطمة كشك



المساهمات : 170
تاريخ التسجيل : 08/12/2017

مُساهمةموضوع: الفصل الثالث من ذكراياتى فى الشتاء   الأحد ديسمبر 10, 2017 9:10 am

بسم الله الرحمن الرحيم






الفصل الثالث




شعرت ناديةبالاحراج و الغضب لطريقة هذه المرأة فى الحديث عنها

قال احمد مستنكرا :*اسمها nurse يا لولى وبعدين انا قلتلك مليون مرة ماتدخليش المكتب من غير ماتخبطى

اقتربت منه وقالت بغنج :*معلش يا شرى ماتزعلش منى

اخفضت ناديه عينيها وقالت:*طيب عن اذن حضرتك يادكتور انا لازم امشى

احمد بهدوء: انا نازل كده كده ،،، اخذ سترة بدلته (البيج) وارتداهاوقال للولى :*يلا عشان اقفل باب المكتب

خرجوا جميعا واغلق الباب واخبر لولى الا تاتى خلفه لانه سيقوم ببعض الاعمال المهمه*

ركب السيارة واشار لنادية ان تركب بالمقعد المجاور دون ان يفتح لهاالباب

كانت الامطار تتساقط بغزارة والطرق شبه خاليه
كانت تنظر من زجاج السيارة بجانبها وفجأة اغمضت عينيها وهى تبتسم فبادرها قائلا :*ايه المطر رجعلك ذكريات*،،افاقت من احلامها على كلماته وردت بهدوء شديد:*لا انا بحب الامطارو البرد بس

نظر لها بسخرية واسرع فى القيادة ثم ضيق عينيه و قال:*اه،، عارف حبك للمطر*..... اراد ان يكمل( ماانا جربته وشوفته وعشت لحظات كتير منه معاكى )ولكنه اثر الصمت

وصلا الى منزلها حسب ارشاداتها ولم يتحرك من مقعده ففهمت انه لن يفتح لها الباب فقالت:*السلام عليكم

فتحت الباب فسألها:*مامتك عامله ايه؟
اعادت قدمها اليمنى الى السيارة وقالت بضيق دون ان تنظر له :الحمدلله تعبانه ومش عارفة هسيبها لمين

تاحمد دون تردد :*تقدرى تجيبيها معاكى هى تعبانه عندها ايه؟

نادية :*عندها السكر والضغط ،،،،،، ومااعتقدش انها هتوافق تسيب البيت فترة كبيرة


احمد :*ممكن اطلع اطمأن عليها واقنعها انها تيجى معاكى عشان ماتكونش لوحدها

فوجئت بطلبه فهى لم تتخيل انه سيطلب منها شيئا كهذا وقالت له بغيظ :*يااااه وانت تعرف منين انك هتقدر تقنعها

قال مبتسما باستهزاء :*اعرف ،،،، انا كنت زمان بقنعها ولانسيتى

ازدردت لعابها بصعوبة واخذت عيناها فى الحركة المتوترة ثم تنهدت لتهدئ دقات قلبها وقالت:*ماشى هتصل الاول اسالها وكمان اشوف لو عايزة حاجه

استقبلتهما الام بترحاب شديد والابتسامة تملأ وجهها

وهى ترتدى معطفا ثقيلا من المخمل(القطيفة) فوق جلباب ثقيل لبرودة الجو
ادخلت احمد حجرة المعيشة حيث يعمل التلفاز والمدفأة بينما دخلت نادية لتبدل ملابسها


فرك يديه و ابتسم للوالدة قائلا :*فرق شاسع بجد بين الشارع وبرودته وامطاره وبين البيت بدفئه


جال بعينيه فى الغرفة فوجد ركنه بجانب الغرفة أريكتين واسعتين و امام هذه الركنه يوجد منضده عليها (سبرتاية)فوقها(كنكة للقهوة) وبعد المنضدة بقليل توجد مساند تشبه ماتسمى بالقعده العربى*


جلست الوالده ثم جلس هو قائلا:*جميل اوى البيت الواحد يحس فيه بايام زمان وبالراحه النفسية رغم انه مودرن ،،،، ذوقك جميل


نظرت له الحاجه فاتن نظرتها الفاتنه التى كانت تذيب قلوب الشباب ايام صباها وابتسمت قائله وهى تضع(الكنكه)فوق(السبرتاية)لتعد له القهوه :*لا يا حبيبى ده ذوق ناديه ماهو بيتها وكل شبر فيه هى اللى عملاه ومشترياه



احمد :*وسيبتوا البيت التانى ليه؟


ارتبكت فاتن ولكنها ردت ببساطه:*نادية مارضيتش تدخل فى جدال مع سمير بعد وفاة الحاج حولين الميراث فاشترت نصيبه فالبيت التانى وبعد ،،،، بعد موضعكوا قررت انها تتنقل لمكان تانى


هز رأسه وقد تاكد من ظنونه ،، اذن هى انتقلت من منزلها بعد انفصالهما لتتجنب اتصاله بها ورؤيته مثلما غيرت عملها،،، نظر لها بامل وابتسم :*كنت عايز اطلب منك طلب واتمنى ماتكسيفينيش


فاتن:*اكسفك؟ انا ماقدرش اكسفك يابنى وربنا يعلم انت غالى عندى ازاى ،،، ده انا حتى مسالتكوش عن سبب الزيارة من كتر فرحتى بيك


ابتسم وقال :*انا جيت لانى طلبت من الانسة ناديه انها تكون ممرضة لبنتى وهى هتنتقل تقعد معانا لفترة فكنت اتمنى ان حضرتك تشرفينا معاها عشان تكونى تحت عينيها ونكون مطمنين عليكى



فاتن :*تعرف يا دكتور ،،، انا لما سيبت بيتى واتنقلت مع ناديه تعبت اوى لانى بعدت عن المكان اللى عشت فيه احلى ايامى مع ابو عيالى وحبيب العمر رغم ان (ناديه) خلت البيت زى ماانت شايف بسيط ودافئ رغم انها دفعت فيه كتير والله ،،،، فمعلش سامحنى انا كبرت اوى على انى انام فى سرير غير سريرى،، مش هرتاح



هز راسه باسف وقال : كنت نفسى تغيرى جو وكمان تكونى مع الانسة( ناديه) ،، وضع فنجان القهوة ونهض قائلا:*عموما اتمنى حضرتك تغيرى رايك ،،،انا مضطر انى امشى*
دلوقتى لان ورايا شغل وياريت حضرتك تبلغى الانسه بقرارك*وقبل يدها فقالت:*طب ماتستنى يا ابنى تاكل معانا ولا احنا مش قد المقام


ابتسم وقال:*والله نفسى اكل من ايديكى بس معلش لازم اروح عشان،،، عشان الشغل


خرجا من الحجرة ولم يريا ناديه فى طريقهما الى الباب*



اقفلت فاتن الباب واستدارت لتجد ناديه واقفة امام النافذة تشاهده وهو يركب سيارته


فاتن:*هناكل يا ناديه ولا ايه


استدارت ناديه ودخلت لتحضر السفرة








على مائدة الطعام نظرت فاتن بفضول لابنتها شاردة الذهن وقالت :*ايه يا ناديه مش هتحكيلى ولا ايه


نادية :*هه

فاتن :*ايه اللى لم الشامى على المغربى


نادية :*ماانتى عارفة ان بنته تعبانه وهو عايزلها ممرضة



فاتن :*انا بسأل وصلك ازاى بعد السنين دى كلها



نادية :*اصل هو صاحب دكتور حسام مدير المستشفى والدكتور رشحنى ليه



فاتن :*امممم،،، طيب انا ليه حساكى متلخبطة كده من ساعة ماجيتى معاه


نظرت لها نادية نظرة خاوية ثم ابتسمت بانكسار وقالت :*عشان هبعد عنك ياماما

فاتن :*وانتى عرفتى منين انى ماوافقتش اروح معاكى

نادية :*لانى عارفة انك مابتحبيش تسيبى بيتك ومابتحبيش تحسى بانك مسئولة من حد ما يخصكيش


ابتسمت فاتن وقالت بشك :*انتى لسه بتحبيه؟


نفس النظرة الخاويه فقالت الام :*طب ليه ؟ليه اللى حصل من 8سنين؟كان ليه يا بنتى


ظهر الضيق على وجهها جليا واستاذنت والدتها ان تدخل لتنام قليلا



دخلت غرفتها وبيدها كوب من القهوة ووقفت امام النافذه وهناك سمعت فيروز تصدح ب

:

رجعت الشتوية
ضل افتكر فيي
ضل افتكر فيي
رجعت الشتوية
يا حبيبي الهوى مشاويرو قصص الهوى مثل العصافير
لاتحزن يا حبيبي اذا طارت العصافير
و غنية منسية ع دراج السهرية
رجعت الشتويةرجعت الشتوية
ضل افتكر فيي
ضل افتكر فيي
رجعت الشتويةيا حبيبي الهوى غلاب
عجل و تعى السنة ورا الباب
شتوية و ضجر و ليل
و انا عم بنطر على الباب
فيي يا عينيي خبيك بعيني




فى امان الله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سمسمة

avatar

المساهمات : 131
تاريخ التسجيل : 10/04/2017

مُساهمةموضوع: رد: الفصل الثالث من ذكراياتى فى الشتاء   الأحد ديسمبر 10, 2017 3:50 pm

موضوع ممتاذ تسلم الايدى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
soso

avatar

المساهمات : 169
تاريخ التسجيل : 22/11/2017

مُساهمةموضوع: رد: الفصل الثالث من ذكراياتى فى الشتاء   الأحد ديسمبر 10, 2017 3:58 pm

موضوع ممتاذ تسلم الايدى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Admin
Admin


المساهمات : 130
تاريخ التسجيل : 27/09/2016

مُساهمةموضوع: رد: الفصل الثالث من ذكراياتى فى الشتاء   الأحد ديسمبر 10, 2017 4:07 pm

ممتاذ
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://yasmen-com.ahlamontada.com
فاطمة كشك



المساهمات : 170
تاريخ التسجيل : 08/12/2017

مُساهمةموضوع: رد: الفصل الثالث من ذكراياتى فى الشتاء   الأحد ديسمبر 10, 2017 4:18 pm

Admin كتب:
ممتاذ

شكراا وجزاي الله كل خير
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
فاطمة كشك



المساهمات : 170
تاريخ التسجيل : 08/12/2017

مُساهمةموضوع: رد: الفصل الثالث من ذكراياتى فى الشتاء   الأحد ديسمبر 10, 2017 4:19 pm

soso كتب:
موضوع ممتاذ تسلم الايدى

شكراا وجزاي الله كل خير
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
فاطمة كشك



المساهمات : 170
تاريخ التسجيل : 08/12/2017

مُساهمةموضوع: رد: الفصل الثالث من ذكراياتى فى الشتاء   الأحد ديسمبر 10, 2017 4:20 pm

سمسمة كتب:
موضوع ممتاذ تسلم الايدى

شكراا وجزاي الله كل خير
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الفصل الثالث من ذكراياتى فى الشتاء
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
.زاهرة الياسمين :: اجمل منتدى :: الاقلام الذهبية-
انتقل الى: