بسم الله الرحمن الرحيم
السلام عليكم ياسمينات
انا فى فترة تعارف مع شخص هيتقدملى بأذن الله واهلى عارفين
المشكلة فى شخصيته بارد جدا واى معاد بنتفق ننزل فيه بيتأخر عليا واكلمه ميردش علياوكل حاجة واخدها بالهدواه وحاسة ان مفيش حاجة بتفرق معاه اوى وده بالنسبالى خطر مع العلم ان مش ضد الرسيان وانى عملية بطبعى
المشكلة انى حاسة انه مش متحمس ومش مهتم مع ان هو كان معجب بيا فى الكلية من خمس سنين وكان عاوز يكلمنى وانا وقتها مدتش فرصة ودلوقتى رجعنا اتكلمنا تانى وقالى انه يتقدملى وعرفنا العيلة وبنعمل فترة تعارف
انا مشكلتى عصبية شوية وفيه حاجات هو بيعملها بحسها عدم تقدير وانه مش متحمس
زى انه بارد وبيتأخر عليا فى الرد و النزول
وانه مبيتصلش يسأل عليا الا قليل مع انه كان واخد اجازة كبيرة فترة من الشغل
والأغرب انى لما بسأله ليه مش بتتصل بيقلى اسبباب تافها زى مثلا بقوله اتصلت بيك 3 مرات فى اوقات مختلفة بتكنسل يقولى كنت باكل اقوم انا اتعصب من الرد وهو يقعد يقولى انتى بتهرى وخلاص فى اى مواضيع ومينفعش تكلمينى كدة قولتله انت مش متحمس بيقولى عادى لما مكلمكيش احنا مش متجوزين !!!!!!
قولتله طب انا ايه اللى يخلينى اكمل ونتخطب وانا مش شايفة منك اى اهتمام او تقدير مع العلم اننا لما بنكون سوا بتكون معاملته ليا احسن يعنى بحس ان فيه حاجة جواه بس مش بيقول وحاساه طبعه قاسى شوية اللى هو مبيبينش
وانا بحب الأهتمام للأن هو ده اللى هيحببنى فيه ويخلينى ارتبط بيه
نظرته العملية للموضوع مضايقانى جدا وبقينا بنتخانق كتير وبينتقدنى ويقولى اكنك عاملة طبخة وحطيتى عليها شوية تراب
قلتله زى ما بنتقدنى شوف نفسك بتعمل ايه
مع العلم انى شحصيتى قوبة وهو كمان ومبحبش اللى بينتقدنى وبحب اتقدر جدا وانى لما اختارت ابقى معاه لازم يحسسنى انى كنت صح فى اختيارى
عندى قناعات كدة بؤمن بيها
بتعرف انى مش شخصية سهلة بس برده مش صعبة واللى بطلبه ده بسيط
وكمان ميالاله وعاوزة اتجوز
السؤال هنا
هل انا غلط ؟ ولا هو
هل كل الرجالة زيه كدة ؟
هل فعلا هو معجب بيا ولا مجرد اختيار عادى للجواز فبيتعامل معاه بدون مشاعر؟
وايه الطريقة الصح عشان اتعامل معاه واكسبة لو لسا فيه امل ؟؟
لاننا متخانقين وانا قلتله انى مش عاوزة اكمل فى وقت عصبية
وفيه حاجة نسيت اقولها مشاعره بتبان شوية واحنا قدام بعض بينفذلى كل اللى انا عاوزاه
لكن مش مدى اهتمام لحاجت بسيطة زى المواعيد واننا نتقابل مرتين فى الاسبوع مثلا وانى ميردش عليا والحاجت دى مهمة جدا جدا بالنسبالى
وانه كان عنده محاولات للارتباط وفشلت
فى امان الله
موضوع: مش عارفة اتعامل مع اللى هيبقى خطيبى 
الثلاثاء نوفمبر 28, 2017 9:48 am
