فاطمة كشك
المساهمات : 170
تاريخ التسجيل : 08/12/2017
 |  موضوع: الفصل الاول من ذكرياتى فى الشتاء  الأحد ديسمبر 10, 2017 8:51 am | |
| بسم الله الرحمن الرحيم
الشتاء
فصل الحنين الى الذكريات
فصل المشاعر الدافئة
عند ذكر الشتاء نشتم رائحة المطر
عند سماع كلمة الشتاء نشعر بابخرة القهوة تداعب انوفنا
الشتاء حيث تلتم الاسرة فالمنزل اما حول المدفأة او تحت الاغطية بجانب بعضهم البعض
فى الشتاء نحن لماضينا وذكرياتنا*
نجلس مرتدين الملابس الثقيلة وبايدينا كوبا من القهوة او الشيكولاته الساخنه ونسرح بفكرنا بعيدا عما حولنا
نسبح فى عالم الذكريات ونستمع لصوت الامطار ومن الممكن لصوت الرعد ولكننا لا نأبه لذلك بل اننا نحبه ونفضله فالشتاء ليس بفصل البرودة وانما هو فصل الدفء
حيث يلتقى المحبون ويضمون بعضهم البعض لازالة الشعور بالبرد
جلست امام المريض تدون بعض الكلمات فالاوراق الخاصة به ووجدت زملائها يروحون جيئة وذهابا
نادت زميلتها تقى : هو فى ايه يا تقى
فردت عليها تقى قائلة بدهشه:ايه يا ميس نادية الناس بتلم عزالها لان المطرة جامده اوى وهتستمر حسب التوقعات 4 ساعات،،،، يلا اومى نروح
نظرت اليها واجمه ثم قالت :4 ساعات،،،،، وسرحت بعينيها بعيدا ثم قالت كمن افاق من حلم :طيب يلا بينا*
قابلهما امام باب المشفى الطبيب (وحيد) وعرض عليهما ان يوصلهما بسيارته للمنزل ولكن بطلة قصتنا (نادية )رفضت وبشده ولكن بادب
انتظرت سيارة اجرة ركبتها وصديقتها
عندما وصلت الى بيتها الهادئ الدافئ دخلت الى حجرتها وبدلت ملابسها بملابس منزليه ثقيله واشعلت المدفأة ثم دخلت الى حجرة امها المريضة فوجدتها نائمة ومن ثم ذهبت الى المطبخ واعدت لنفسها حساءا ساخنا مع دجاج مسلوق وجلست تاكل امام التلفاز
عندما شارفت على انهاء طعامها رن جرس الباب فذهبت لترى من بالباب فاذا به اخيها سمير
قالت:ماتنساش تخلع جزمتك برا ثم دخلت لتكمل طعامها ودخل خلفها بعد ان خلع حذائه
قال بعد ان رأى الطعام امامها :ده انا حماتى بتحبنى بقى
ابتسمت بسخرية وقالت :وماتحبكش ليه وانت صارف عليها وعلى بنتها كل فلوسك وبتداين للناس علشان تكفى طلباتهم
سمير:ييييه رجعنا للكلام اللى يسد النفس ،،، لو مش عايزانى اكل معاكى قولى. .... نظر للطعام فوجده دجاج مسلوق وحساء وارز فقال بتافف:ايه اكل العيانين ده ،،، طب امك تاكله لكن انتى تاكليه ليه
ردت بابتسامة حنونة:اكل واقوم احمرلك فراخ واعملك مكرونة ولا تزعل نفسك
سمير بابتسامة خجلة:لا يا حبيبتى كلى انتى وانا هاكل لما اروح ،،، هدخل اتطمن على ماما واجى اقعد معاكى عشان عايزك فموضوع
بعد ان اطمأن على والدته خرج ليجط اخته تجلس على كرسى الانتريه امام التلفاز و منشغلة بقراءة بعض الاوراق فجلس بالكرسى المجاور وانتظرها حتى تركت الاوراق
نظرت نادية لاخيها بلؤم فهى تشعر انه سيطلب منها مالا ثم قالت:ها اتفضل انا سامعاك
سمير:انا كنت عايز اطلب منك طلب
ابتسمت ثم قالت: هممم
سمير: من غير ماتتعصبى وتعملى هليله وفضيحه
انا عملت مشكلة فالشغل
هنا اعتدلت فى جلستها وانزلت كوب القهوة من على فمها
فاكمل وهو يروح جيئة وذهابا وبفرك يديه :انا كنت محتاج فلوس من فترة فاضطريت انى امد ايدى على عهدة الشهر اللى فات وصاحب الشركة (احمد البدرى) هيعمل جرد اخر الشهر ده ولو ،،،، -ازدرد ريقه- ولو لقى نقص هيعرفوا ان انا وهتطرد وممكن كمان يحولونى لتحقيق واتحبس
نادية بغضب :طب وانا اعمل ايه ،،،، انت تسرق وانا اتدبسس،،،،،، انا ماعييش غير الى يكفينى انا وامك وعلاجها،،،، ايش حال انت اخويا الكبير يعنى المفروض تساعدنى
سمير وهو يشير لها بيده بسرعه كى تخفض صوتها ويتلفت حوله :انا مش عايز منك فلوس ،،، انا ،، انا كنت عايزك بس تتوسطيلى عند احمد البدري ،،، -ابتسم-اعتقد ان رغم اللى حصل زمان ممكن يكون لسه ليكى عنده خاطر
صدمت نادية من طلبه فنظرت له والصدمة ظاهرة على وجهها وفغرت فاها ثم قالت:عايزنى اروح اطلب منه انه يعفو عنك رغم اللى حصل زمان.
سمير:يانونة انتى عايزة اخوكى الكبير يروح فداهية ولا ايه ،،،، ده انا متعلق بالامل ده انتى املى الوحيد والا هدخل السجن
سكتت وهى تفكر »»» ماذا على ان افعل،،، هل اتركه لمصيره وتوضع القيود حول يديه،،،، ولكن هذا ايضا سيؤثر على سمعتنا ،،،، ولكن هل سيوافق احمد اذا توسطت انا عنده
فى امان الله | |
|
سمسمة
المساهمات : 131
تاريخ التسجيل : 10/04/2017
| | موضوع: رد: الفصل الاول من ذكرياتى فى الشتاء الأحد ديسمبر 10, 2017 3:46 pm | |
| | |
|
soso
المساهمات : 169
تاريخ التسجيل : 22/11/2017
| | موضوع: رد: الفصل الاول من ذكرياتى فى الشتاء الأحد ديسمبر 10, 2017 3:55 pm | |
| | |
|
Admin
Admin
المساهمات : 130
تاريخ التسجيل : 27/09/2016
| | موضوع: رد: الفصل الاول من ذكرياتى فى الشتاء الأحد ديسمبر 10, 2017 4:08 pm | |
| | |
|
فاطمة كشك
المساهمات : 170
تاريخ التسجيل : 08/12/2017
| | موضوع: رد: الفصل الاول من ذكرياتى فى الشتاء الأحد ديسمبر 10, 2017 4:15 pm | |
| - Admin كتب:
ممتاذ شكراا وجزاي الله كل خير | |
|
فاطمة كشك
المساهمات : 170
تاريخ التسجيل : 08/12/2017
| | موضوع: رد: الفصل الاول من ذكرياتى فى الشتاء الأحد ديسمبر 10, 2017 4:16 pm | |
| شكراا وجزاي الله كل خير - Admin كتب:
ممتاذ | |
|
فاطمة كشك
المساهمات : 170
تاريخ التسجيل : 08/12/2017
| | موضوع: رد: الفصل الاول من ذكرياتى فى الشتاء الأحد ديسمبر 10, 2017 4:17 pm | |
| - سمسمة كتب:
موضوع ممتاذ تسلم الايدى شكراا وجزاي الله كل خير | |
|
