فاطمة كشك
المساهمات : 170
تاريخ التسجيل : 08/12/2017
 |  موضوع: الفصل الثانى من ذكرياتى فى الشتاء  الأحد ديسمبر 10, 2017 8:59 am | |
| بسم الله الرحمن الرجيم الفصل الثانى
نظرت ناديه الى اللافته الموضوعة على مبنى الشركة العملاق وظلت واقفة متردده ،، تدخل ام لا،، تتخذ هذه الخطوة ام لا لكنها دلفت-مرتدية فستانا اسود بحزام وردى وحجابها من اللونين- الى الداخل*
ادهشتها فخامة المكان وابهته ،، قابلتها موظفة استقبال حسنة المظهر والهيئة فاخبرتها انها تريد مقابلة الدكتور (احمد البدرى )شخصيا فاخبرتها انها ستحولها لمكتب السكرتيرة وهى من ستتعامل معها بهذا الشأن
دخلت بمصعد مفروش بسجاد وثير وبه مرايا لامعة لا يوجد بها اى خدوش او علامات ويجلس على كرسى صغير عامل المصعد الذى يرتدى زيا خاصا بالشركة
وصلت الى مكتب السكرتيرة التى اخبرتها انها يجب ان تأخذ معه موعدا ولكن نادية اصرت على لقائه فقالت:معلش ،،، لو سمحتى تقوليله (نادية فهمى الشربينى ) ولو رفض اوعدك همشى
استجابت لها السكرتيرة ودخلت لرئيسها لتخبره،،، خرجت لها بعد خمس دقائق وقالت:معلش ممكن تنتظرى ،،،هو وافق يقابلك لكن بعد مايخلص الشغل اللى معاه
اذعنت (نادية) وجلست تنتظربحجرة جانبيه ،، ربع ساعة ،، نصف ساعة،،، ساعة وهنا نهضت لتمشى فاستوقفتها السكرتيرة قائلة :تقدرى حضرتك تتفضلى
دخلت نادية حجرة المدير العام وصاحب الشركة وحبها الاول والاخير وهى ترتعش وماان رات راسه منكفأ على الاوراق حتى شعرت بقلبها يكاد يخرج من بين اضلعها،،،، فلقد نبتت بعض الشعيرات البيضاء على جانبى راسه
ظلت واقفة فى مكانها فرفع عينيه عن الوراق ونظر لها نظرة جمدتها فى مكانها فابتسم ابتسامة مقتضبة وقال مشيرا بيده لمقعد امام مكتبه:*اتفضلى اقعدى*
تحركت من مكانها وجلست بالمقعد امام نظراته المتفحصة
قال لها بأدب :*تشربى قهوة فالبرد ده اكيد!*
فهزت راسها موافقة
نهض عن مقعده وذهب الى آلة تحضير القهوة قائلا:*معلقتين سكر،،، ولا اتغيرت دى كمان*
هزت راسها مرة اخرى
وضع كوب القهوة امامها وطلب منها ان تشرب فبدات تشرب وكم كانت بحاجةلهذا المشروب المنعش
جلس على المقعد المواجه لها لا يفصل بينهما سوى مسافة صغيرة وقال :*تقدرى تحكيلى ايه سبب زيارتك ،، اتفضلى*
ارتبكت ووضعت كوب القهوة على المكتب ثم تنحنحت فابتسم بسخرية وقال:*هو الموضوع صعب اوى كده*
قالت بعد ان ازدردت لعابها بصعوبة :*انا ،،، كنت جاية لان اخويا*
نهض احمد وقال مقاطعا اياها:*جاية عشان اخوكى طلب انك تتوسطيله عندى!*
امتقع وجهها واحست برعشة تسرى فى جسدها حاولت ان تسيطر عليها ودعت ربها الا يلاحظ
جلس باحدى قدميه على مكتبه ونظر لها منتظرا اجابتها
رفعت راسها بشموخ:*يعنى انت كنت عارف ؟؟*
رد احمد بسخرية:*لو كنتى تقصدى انى كنت عارف اللى عمله فاكيد ومن زمان،،، دى مش اول مرة يمد ايده على الميزانية ويتلاعب فيها ولا اول مرة يمد ايده على عهدة الاجهزة وانا كل حاجه بتوصلى*
قالت متسائلة:*مش اول مرة ؟!*شعرت بخيبة امل كبيرة لما قام بفعله اخوها ولما ورطها به
نهض عن المكتب وجلس على كرسيه خلف المكتب فشعرت بانها تتضائل امامه ،،، طردت مخاوفها وسألته:*وماحولتوش ليه للتحقيق و سجنته ؟!*
نظر لها بجديه:*بصراحة انا كنت صبور معاه لاخر درجه خصوصا عشان خاطر والدك الله يرحمه كان انسان طيب وامين ويعرف ربنا لكن لما تمادى رغم تحذيرات زمايله ليه قررت*
انى احوله للتحقيق واكيد وصله الكلام ده فلجألك*،،، نظر لها بطرف عينه واستطرد :*شكله مش عارف الى حصل زمان*
لم تستطع ان ترفع عينيها لتنظر له وقالت بهدوء :*ماحدش يعرف حاجه*
وقف وسار الى النافذة خلف كرسيه وقال وهو يضع يديه فى جيبه :وانتى متوقعة لما تتوسطى له هيكون رد فعلى ايه؟*
صدمها سؤاله الذى لم تكن تعرف له اجابه ولكنها قالت:*انا جيت اترجاجك تعفو عنه وتطلعه من شركتك وهو ده يكون جزاءه،،، سكتت هنيهه ثم اكملت :لكن ماعرفش رد فعلك هيكون ايه*
ابتسم بجانب فمه سخرية منها وقال:*انا هقولك الحل اللى يرضينى ويبعد السجن والطرد عن اخوكى*
نظرت له بامل ولهفة لسماع حله
اقترب منها وجلس على المكتب برجل واحده ثم قال بتكبر:*تشتغلى عندى ممرضه لبنتى*حاولت ان تفهم او تترجم كلماته فقد شعرت انها كلمات غريبة لاتستطيع فهمها فظلت تحاول ترديد ماقاله ولكنها فشلت
قال بسخرية :*بقولك ممرضة لبنتى ايه محتاجه كل ده عشان تفهمى*
قالت:*هى مريضة بايه*
احمد:*اصابت بعمى من سنتين*
ناديةبحزن :*انا اسفة اوى*
سكتت ثم اكملت :*وده هيكون مقابل ايه*
فرد ببساطه:*انى اعفو عن اخوكى ومايتحولش للتحقيق ومش هطرده لكن هحوله لقسم تانى بعيد عن العهد والخزنه*
تذكرت شئ هام فقالت:*طب وده هيكون لمدة اد ايه*
قال بعجرفة :*للمده اللى احددها انا،، الممرضة بتاعة يارا اتجوزت ومش لاقى ممرضة كفؤ فالوقت الحالى،،، وبما انى سمعت انك بقيتى ميس الممرضات فالمستشفى عندك وكل الدكاترة بيشكروا فيكى فانا قررت انى اخدمك واخدم اخوكى -وضغط على هذه الكلمه-واشغلك ممرضةليارا بنتى ،،،،،، انا هتتفاهم مع مدير المستشفى لانه صاحبى وانتى عليكى توافقى لما يسالك*
هزت نادية راسها بالموافقة وهى تشعر بالاهانة
احمد:*جهزى عشان هتسافرى بعد 3ايام*
قالت بتعجب:*اسافر! ليه؟*
فرد وهو يمسك قلما يشغل به نفسه:*لان يارا عايشه فاسكندرية ففيلتنا اللى هناك*
هزت راسها وقالت:*طيب ،،، عن اذن حضرتك*ونهضت لتمشى فامسكها من ذراعها وقال:*الامطار جامده دلوقتى استنى لما اوصلك بعربيتى*
نظرت لعينيه فرات فيهما شئ غريب لم تفهم معناه ولكنه ليس الحب الذى الفته بعينيه منذ سنوات مضت
ترك ذراعها قائلا:*ياريت ماتفهميش انى بشغلك عندى عشان لسه جوايا ليكى حاجه،،، انتى موتى من سنين بالنسبه ليا*.... ابتسمت بحزن ونظرت بانكسار للارض
دخلت الحجرة امرأة فى الثلاثينات ترتدى فستانا قصيرا عارى الصدر وتضع عطرا فواحا ،،،عندما رات (ناديه)قالت:*ايه ده يا ديدو مش كنت تقول انك لقيت شغالة ليارا
فى امان الله | |
|
سمسمة
المساهمات : 131
تاريخ التسجيل : 10/04/2017
| | موضوع: رد: الفصل الثانى من ذكرياتى فى الشتاء الأحد ديسمبر 10, 2017 3:49 pm | |
| | |
|
soso
المساهمات : 169
تاريخ التسجيل : 22/11/2017
| | موضوع: رد: الفصل الثانى من ذكرياتى فى الشتاء الأحد ديسمبر 10, 2017 3:59 pm | |
| | |
|
Admin
Admin
المساهمات : 130
تاريخ التسجيل : 27/09/2016
| | موضوع: رد: الفصل الثانى من ذكرياتى فى الشتاء الأحد ديسمبر 10, 2017 4:07 pm | |
| | |
|
فاطمة كشك
المساهمات : 170
تاريخ التسجيل : 08/12/2017
| | موضوع: رد: الفصل الثانى من ذكرياتى فى الشتاء الأحد ديسمبر 10, 2017 4:21 pm | |
| - Admin كتب:
ممتاذ شكراا وجزاي الله كل خير | |
|
فاطمة كشك
المساهمات : 170
تاريخ التسجيل : 08/12/2017
| | موضوع: رد: الفصل الثانى من ذكرياتى فى الشتاء الأحد ديسمبر 10, 2017 4:21 pm | |
| - soso كتب:
موضوع ممتاذ تسلم الايدى شكراا وجزاي الله كل خير | |
|
فاطمة كشك
المساهمات : 170
تاريخ التسجيل : 08/12/2017
| | موضوع: رد: الفصل الثانى من ذكرياتى فى الشتاء الأحد ديسمبر 10, 2017 4:22 pm | |
| - سمسمة كتب:
موضوع ممتاذ تسلم الايدى شكراا وجزاي الله كل خير | |
|
